ಈ ವಿಚಾರವನ್ನು ಆಳವಾಗಿ ಪರಿಗಣಿಸಿದಾಗ ಆ ಒಂದು ಕಾಲದಲ್ಲಿ ಅಸ್ಪೃಶ್ಯರಿಗೆ ಹಾಗೂ ಕೆಳಜಾತಿಯವರಿಗೆ ದೇವಾಲಯದ ಪ್ರವೇಶ ನಿಷಿದ್ಧವಾಗಿತ್ತು. ಹಾಗೂ ಶಿಕ್ಷಣ ವಂಚಿತರಾಗಿದ್ದ ಕಾಲಘಟ್ಟದಲ್ಲಿ ಸಮಾಜ ಸುಧಾರಣೆಯನ್ನು ಕೈಗೆತ್ತಿಕೊಂಡವರೇ ಬ್ರಹ್ಮಶ್ರೀ ನಾರಾಯಣ ಗುರುಗಳು. ಆದರೆ ಗುರುಗಳು ಯಾವುದೇ ಹಿಂಸಾ ಮಾರ್ಗಗಳನ್ನು ಅನುಸರಿಸದೆ ಅನುಸಂಧಾನದ ಮೂಲಕ ಚಳುವಳಿಗಳನ್ನು ನಡೆಸಿ ಪರಿಸ್ಥಿತಿ ಸುಧಾರಣೆಯಾಗದಿದ್ದಾಗ ಹಲವು ದೇವಾಲಯಗಳನ್ನು ತಾವೇ ನಿರ್ಮಿಸಿ ದೇವಸ್ಥಾನದ ಒಳಗೆ ಪ್ರವೇಶಕ್ಕೆ ಅನುವು ಮಾಡಿಕೊಟ್ಟರು
ಕ್ರಮೇಣ ಆ ಒಂದು ಕಾಲಘಟ್ಟದಲ್ಲಿ ಅಸ್ಪೃಶ್ಯತೆ ಎಂಬ ಪಿಡುಗೊಂದು ತೆರೆಗೊಂಡಿತು .ತದನಂತರ ಸವರ್ಣರ ದೇವಾಲಯಗಳಿಗೆ ಎಲ್ಲಾ ಜಾತಿ ಧರ್ಮದವರಿಗೂ ಒಳ ಪ್ರವೇಶ ದೊರೆಯಿತು. ಗುರುಗಳ ಬೋಧನೆಗಳತ್ತ ಒಮ್ಮೆ ಕಣ್ಣು ಹಾಯಿಸಿದಾಗ ,ಪ್ರಾಣಿ ಹಿಂಸೆ ಮಾಡಬಾರದೆಂದು ಬಲಿಗಳನ್ನು ನಿಲ್ಲಿಸುವಂತೆ ತಿಳಿಸಿದರು.ಭೂತರಾಧನೆ ನಾಗ ಪೂಜೆ ಇವುಗಳನ್ನೆಲ್ಲ ಸರಳವಾಗಿ ಆಚರಿಸಿ,ದುಂದು ವೆಚ್ಚಗಳಂತಹ ಸಂಪ್ರದಾಯಗಳಿಗೆ ಬಲಿಬೀಳಬಾರದೆಂದು ಮನವರಿಕೆ ಮಾಡಿಸಿದ್ದರು.ಅಂತಹ ಆಡಂಬರದ ಪೂಜೆಗಳನ್ನು ದೇವರು ಬಯಸುವುದಿಲ್ಲ ಎಂಬ ಸಂದೇಶವನ್ನು ಕೊಟ್ಟರು. ಮಧ್ಯಪಾನ ನಿಲ್ಲಿಸುವಂತೆ ಕರೆಕೊಟ್ಟರು .ಬಾಲ್ಯ ವಿವಾಹ ಬಹುಪತ್ನಿತ್ವ ಬಹು ಪತಿತ್ವ ಸಲ್ಲದೆಂದು ಕರೆಕೊಟ್ಟರು.
ವರದಕ್ಷಿಣೆಯ ಪಿಡುಗಿಗೊಂದು ಬರೆ ಎಳೆದರು. ಶಿಕ್ಷಣ ಹಾಗು ಉದ್ಯೋಗದ ಬಗ್ಗೆ ಸಮೃದ್ಧ ತಿಳುವಳಿಕೆಯನ್ನು ಕೊಡಿಸಿದರು. ಅದ್ದೂರಿ ಮದುವೆಗೆ ತೆರೆ ಎಳೆದು ಸರಳ ಮದುವೆ ಮಾಡಿಸುವಂತೆ ಕೇಳಿಕೊಂಡರು. ಮೂಢನಂಬಿಕೆಯಿಂದ ಹೊರಬರಲು ಶಿಕ್ಷಣ ಎನ್ನುವ ಜ್ಞಾನದ ಮೂಲಕ ಅಜ್ಞಾನದ ಅಂಧಕಾರವನ್ನು ಹೊಡೆದೋಡಿಸಿದರು .ಆದರೆ ನಾರಾಯಣ ಗುರುಸ್ವಾಮಿ ಹಾಕಿಕೊಟ್ಟ ಅಡಿಪಾಯವನ್ನು ನಾವೆಷ್ಟು ಗಟ್ಟಿಗೊಳಿಸುತ್ತಿದ್ದೇವೆ ಎಂಬ ಚಿಂತನೆ ಪ್ರತಿಯೊಬ್ಬರಲ್ಲಿ ಮೂಡಿ ಅದನ್ನು ಅನುಸರಿಸಿಕೊಂಡು ಹೋದರೆ ಮಾತ್ರ ಅವರು ಆ ಸಂದರ್ಭದಲ್ಲಿ ಮಾಡಿದ ಚಳುವಳಿ ಹೋರಾಟಕ್ಕೆ ಎಂದೂ ಜಯ ಸಿಗಬಹುದು.
ಅವರ ಬೋಧನೆಗಳ ಬಗ್ಗೆ ತಿಳಿಯಪಡಿಸುವ ಜವಾಬ್ದಾರಿಗಳನ್ನು ಸಂಘ ಸಂಸ್ಥೆಗಳು ಕೈಗೊಂಡು ಜನರ ಮನ ಮುಟ್ಟಿಸುವಲ್ಲಿ ಪ್ರಯತ್ನಿಸಿದರೆ ಗುರುಜಯಂತಿಯ ಆಚರಣೆಗೊಂಡು ಅರ್ಥ ಸಿಗಬಹುದು. ಹಿಂದೂ ಧರ್ಮದಲ್ಲೊಂದು ದೊಡ್ಡ ಕೊರತೆ ಎಂದರೆ ಧರ್ಮ ಶಿಕ್ಷಣದ ಕೊರತೆ ಬಾಲಸಂಸ್ಕಾರ ಧರ್ಮ ಶಿಕ್ಷಣ ನೀಡುವ ಬಗ್ಗೆ ಧರ್ಮ ಜಾಗೃತಿಯನ್ನು ಅನುಷ್ಠಾನಗೊಳಿಸಲು ಸಂಘ ಸಂಸ್ಥೆಗಳು ಕೈಜೋಡಿಸಬೇಕಾಗಿದೆ ಆಗ ತತ್ವಗಳು ಕಂಡಿತ ನೆರವೇರಬಹುದು.
ಒಂದೇ ಜಾತಿ ಒಂದೇ ಮತ ಒಂದೇ ಧರ್ಮ ಒಂದೇ ದೇವರು ಎಂದು ಬರಿ ಬಾಯಿ ಮಾತಿಗಷ್ಟೇ ಹೇಳದೆ ಆ ವೇದವಾಕ್ಯವನ್ನು ಜನಸಾಮಾನ್ಯರು ಹೃದಯದಿಂದ ಸ್ವೀಕರಿಸಬೇಕಾಗಿದೆ. ಬಾಲ್ಯ ವಿವಾಹ ಪೂರ್ಣ ಪ್ರಮಾಣದಲ್ಲಿ ನಿರ್ವಾಣಗೊಂಡಿತು. ಶೈಕ್ಷಣಿಕ ವಿಚಾರ ತೆಗೆದುಕೊಂಡರೆ ಶಿಕ್ಷಣ ಪ್ರತಿಯೊಬ್ಬರಿಗೂ ಹೆಣ್ಣು ಗಂಡೆಂಬ ಭೇದವಿಲ್ಲದೆ ಬಡವ ಬಲ್ಲಿದನೆಂಬ ತಾರತಮ್ಯವಿಲ್ಲದೆ ಉತ್ತಮ ಶಿಕ್ಷಣ ಎಲ್ಲಾ ವರ್ಗಗಳಿಗೂ ದೊರೆಯುವಂತಹ ಸೌಲಭ್ಯಗಳು ಬಹಳಷ್ಟು ಆಗಿದೆ .ಈ ಬೆಳವಣಿಗೆ ಗುರುಗಳ ಕಠಿಣ ಶ್ರಮದ ಫಲ ಎಂದರೆ ತಪ್ಪಾಗದು.ಆದರೆ ನಾವಿಲ್ಲಿ ವರದಕ್ಷಿಣೆ ಹಾಗೂ ಆಡಂಬರದ ಮದುವೆಯ ವಿಚಾರ ತೆಗೆದುಕೊಂಡರೆ ಗುರುಗಳು ಸಾರಿದ ಬೋಧನೆಯಲ್ಲಿ ಆಡಂಬರದ ಮದುವೆ ನಿಲ್ಲಿಸಬೇಕು ಸರಳ ವಿವಾಹ ಜಾರಿಗೊಳಿಸಿದ್ದರು .
ಎಲ್ಲಾ ಕಡೆ ಅವರ ತತ್ವ ಪಾಲಿಸುತ್ತಿಲ್ಲ ಎಂದು ನಾನು ಹೇಳುತ್ತಿಲ್ಲ. ಸಂಘ ಸಂಸ್ಥೆಗಳು ಬಹಳಷ್ಟು ಒಳ್ಳೆಯ ಕೆಲಸಗಳನ್ನು ನಡೆಸುತ್ತಿದೆ ಆದರೆ ಇವು ಪ್ರಸ್ತುತ ಕಾಲದಲ್ಲಿ ಇನ್ನೂ ಅಭಿವೃದ್ಧಿಪಡಿಸ ಬೇಕಾದೀತು ಕೆಲವು ಕಡೆ ಬಹಳ ಸರಳ ಹಾಗೂ ಮದುಮಾಂಸವಿಲ್ಲದ ಮದುವೆಗಳು ಈಗಲೂ ನಡೆಯುತ್ತಿದೆ. ಇನ್ನು ಮಹಿಳೆಯರ ಮೇಲೆ ಹೇರಿದ್ದ ಅನಿಷ್ಟ ಕಂದಾಚಾರಗಳಿಗೆ ತೆರೆ ಹಾಕಿ ಅವರಿಗೊಂದು ಸ್ಥಾನಮಾನ ನೀಡಿದ ಉತ್ತಮ ನಿದರ್ಶನಗಳು ಕೂಡ ನಮ್ಮ ಸಂಘದ ಮಂಚೂಣಿಯಲ್ಲಿದೆ. ಗುರುಗಳು ಹಾಕಿ ಕೊಟ್ಟ ತತ್ವಗಳನ್ನು ಯುವ ಜನಾಂಗ ಅನುಷ್ಠಾನಕ್ಕೆ ತರುವಂತೆ ಧರ್ಮ ವ್ಯವಸ್ಥೆಯೊಂದಿಗೆ ದುಡಿಯಬೇಕು.
ಗುರುಗಳು ಹಾಕಿಕೊಟ್ಟ ಸುಂದರ ಅಡಿಪಾಯದ ಮೇಲೊಂದು ಜ್ಞಾನೋದಯ ಮೆಟ್ಟಿಲುಗಳು ನಿರ್ಮಾಣವಾಗಬೇಕು.ನಾರಾಯಣ ಗುರುಗಳು ಬೆಳಗಿಸಿದ ಬೆಳಕಿನ ದೀಪದ ಕೆಳಗಡೆ ಕೈ ಕೈ ಹಿಡಿದು ನಡೆಯುವ ಆಲೋಚನೆಯನ್ನು ಪ್ರತಿಯೊಬ್ಬ ಅನುಸರಿಸಿಕೊಂಡು ನಡೆದರೆ ದೇಶದ ಅಭಿವೃದ್ಧಿಯಾಗುವಲ್ಲಿ ಬೇರೆ ಮಾತಿಲ್ಲ . ಆಧ್ಯಾತ್ಮಿಕದ ಮೂಲಕ ಸಮಾಜ ಸುಧಾರಣೆ ಮಾಡಿದ ಬ್ರಹ್ಮಶ್ರೀ ನಾರಾಯಣ ಗುರುಗಳ ತತ್ವಗಳನ್ನು ತಿಳುವಳಿಕೆ ಎಂಬ ಪಲ್ಲಕ್ಕಿಯಲ್ಲಿ ಹೊತ್ತೊಯ್ದ ಅಜ್ಞಾನದ ಅಂಧಕಾರವನ್ನು ಹೊಡೆದೋಡಿಸಿ ಜ್ಞಾನ ಸುಧೆಯನ್ನು ಹರಿಸುವ
ಶೋಭಾ ದಿನೇಶ್ ಉದ್ಯಾವರ
