ಸ್ವರ್ಗ ಆಶ್ರಮ ಕೊಳಲಗಿರಿ ಪ್ರಾರಂಭೋತ್ಸವ

ಹೋಂ ಡಾಕ್ಟರ್ ಫೌಂಡೇಶನ್ ಇದರ ಕನಸಿನ ಕೂಸು ಸ್ವರ್ಗ ಆಶ್ರಮ ಕೊಳಲಗಿರಿ ಚರ್ಚ್ ಎದುರಿನ ಶಾಲಾ ಕಟ್ಟಡದಲ್ಲಿ ಡಿ.25ರಂದು ಪ್ರಾರಂಭವಾಯಿತು.

ದಶಮಾನೋತ್ಸವ ಸಂಭ್ರಮದಲ್ಲಿ ಸಂಸ್ಥೆಯು ಕಳೆದ 10 ವಷ೯ಗಳಲ್ಲಿ ಸುಮಾರು 2 ಕೋಟಿ ರೂ ಮೊತ್ತದ ಸೇವಾ ಕಾಯ೯ಗಳನ್ನು ವಿವಿಧ ಕಾನ್ಸೆಫ್ಟ್ ಅಡಿಯಲ್ಲಿ ನಡೆಸುತ್ತಾ ಬಂದಿದ್ದು, ಸಮಾಜದ ನಿಗ೯ತಿಕರಿಗೆ, ಅಸಹಾಯಕರಿಗೆ, ದಿವ್ಯಾoಗರಿಗೆ ಮತ್ತು ಮಾನಸಿಕ ಅಸ್ವಸ್ಥರಿಗೆ ಉಚಿತವಾಗಿ ಈ ಆಶ್ರಮ ಆಶ್ರಯ ಒದಗಿಸಲಿದೆ.

ಆಶ್ರಮದ ಉದ್ಘಾಟನೆಯನ್ನು ಡಿ.25ರಂದು ಸಂಸ್ಥೆಯ ಪ್ರವತ೯ಕರಾದ ಡಾ.ಶಶಿಕಿರಣ್ ಶೆಟ್ಟಿ ನೆರವೇರಿಸಿ ಮಾತನಾಡಿ, ಸಂಸ್ಥೆಯ ವತಿಯಿಂದ ನಡೆಯುವ ಈ ಆಶ್ರಮ ನಮ್ಮ ಹಲವಾರು ವಷ೯ಗಳ ಕನಸಾಗಿತ್ತು ಸುಮಾರು 36 ಜನರಿಗೆ ವ್ಯವಸ್ಥೆಯಿದ್ದು, ಮುಂದಿನ ದಿನಗಳಲ್ಲಿ ದಾನಿಗಳ ಸಹಕಾರದೊಂದಿಗೆ ಮತ್ತಷ್ಟು ವಿಸ್ತರಿಸುವ ಯೋಜನೆಯಿದೆ. ಸಂಸ್ಥೆಯ ಸುಮಾರು 3 ಸಾವಿರ ಮಂದಿ ಸದಸ್ಯರ ಸಹಕಾರದೊಂದಿಗೆ ಸಾಮಾಜಿಕ ಜಾಲ ತಾಣ ಉಪಯೋಗಿಸಿ ಹಲವಾರು ಸಾಮಾಜಿಕ ಕಾಯ೯ ನಡೆಸಲಾಗಿದೆ ಎಂದರು.

ವೇದಿಕೆಯಲ್ಲಿ ಡಾ.ಸುಮಾ ಶೆಟ್ಟಿ ಆಶ್ರಮದ ,ನಿವಾ೯ಹಕರಾದ ಮಹೇಶ್ ,ಹರೀಶ್ ಸದಸ್ಯರಾದ ಸುರೇಂದ್ರ ಪೂಜಾರಿ, ಬಂಗಾರಪ್ಪ, ಉದಯ್ ನಾಯ್ಕ್, ಶಂಕರ ನಾಯಕ್, ಪ್ರದೀಪ್, ಸುಂದರ ಪೂಜಾರಿ, ರವಿ ಕೊಳಲಗಿರಿ, ಮುಂತಾದವರಿದ್ದರು. ರಾಘವೇಂದ್ರ ಕವಾ೯ಲು ನಿರೂಪಿಸಿದರು.