ಆಯುಷ್ ಸಚಿವಾಲಯ ಶ್ರೇಷ್ಠತಾ ಕೇಂದ್ರ ಮಂತ್ರಾಲಯ ರಾಘವೇಂದ್ರ ಮಠದ ಶ್ರೀ ಸುಬುಧೇಂದ್ರ ತೀರ್ಥ ಸ್ವಾಮೀಜಿ ಕಟ್ಟಡ ಉದ್ಘಾಟಿಸಲಿದ್ದಾರೆ. ಪೇಜಾವರ ಶ್ರೀ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿ ದೀಪಪ್ರಜ್ವಲನೆ ಮಾಡಲಿದ್ದಾರೆ. ಧರ್ಮಸ್ಥಳ ಧರ್ಮಾಧಿ ಕಾರಿ ಡಾ.ಡಿ.ವೀರೇಂದ್ರ ಹೆಗ್ಗಡೆ ಅಧ್ಯಕ್ಷತೆ ವಹಿಸಲಿದ್ದಾರೆ.
ಜಿಲ್ಲಾ ಉಸ್ತುವಾರಿ ಸಚಿವೆ ಲಕ್ಷ್ಮೀ ಹೆಬ್ಬಾಳ್ಳರ್‌, ಆರೋಗ್ಯ ಸಚಿವ ದಿನೇಶ್ ಗುಂಡೂರಾವ್, ಸಂಸದ ಕೋಟ ಶ್ರೀನಿವಾಸ ಪೂಜಾರಿ, ಆಯುಷ್ ಇಲಾಖೆ ಆಯುರ್ವೇದ ವಿಭಾಗ ಅಧ್ಯಕ್ಷ ಡಾ.ಶ್ರೀನಿವಾಸ ಪ್ರಸಾದ್, ಶಾಸಕರಾದ ಯಶ್‌ಪಾಲ್ ಸುವರ್ಣ, ಗುರ್ಮೆ ಸುರೇಶ್ ಶೆಟ್ಟಿ, ಡಾ.ಧನಂಜಯ ಸರ್ಜಿ, ಕಡೆಕಾರ್ ಗ್ರಾಪಂ ಅಧ್ಯಕ್ಷ ಜಯಕರ ಶೇರಿಗಾರ್ ಉಪಸ್ಥಿತರಿರುವರು ಎಂದರು.
ಅತ್ಯಾಧುನಿಕ ಸೌಲಭ್ಯ: 25 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಿಸಿದ ಕಾಲೇಜಿನ ನೂತನ ಕಟ್ಟಡ 90 ಸಾವಿರ ಚದರ ಅಡಿ ವಿಸ್ತೀರ್ಣ ಹೊಂದಿದ್ದು, 7 ಸ್ಮಾರ್ಟ್ ಕ್ಲಾಸ್‌ಗಳು, ಕೌಶಲ ತರಬೇತಿ ಕೇಂದ್ರ, 9 ಸ್ನಾತಕೋತ್ತರ ವಿಭಾಗದಲ್ಲಿ ಪ್ರಯೋಗಾಲಯ, ಗ್ರಂಥಾಲಯ, ಅತ್ಯಾಧುನಿಕ ಸ್ನಾತಕೋತ್ತರ ಉಪನ್ಯಾಸ ಸಭಾಂಗಣ 700 ವಿದ್ಯಾರ್ಥಿಗಳಿಂದ ಅಧ್ಯಯನ 1958ರಲ್ಲಿ ಸ್ಥಾಪನೆಯಾದ ಕಾಲೇಜು 21 ಎಕರೆ ವಿಸ್ತೀರ್ಣ ಹೊಂದಿದ್ದು, ಕ್ಯಾಂಪಸ್‌ನಲ್ಲಿ 310 ಹಾಸಿಗೆ ಹಾಗೂ ಹೊಸದಾಗಿ ನಿರ್ಮಿಸಿದ ರತ್ನಶ್ರೀ ಆರೋಗ್ಯಧಾಮ ಕಟ್ಟಡದಲ್ಲಿ 122 ಹೆಚ್ಚುವರಿ ಹಾಸಿಗೆಗಳ ಆಸ್ಪತ್ರೆ ಎನ್ಎಬಿಎಚ್ ಮಾನ್ಯತೆ ಪಡೆದಿದೆ.
ಎಸ್‌ಡಿಎಂ ಆಯುರ್ವೇದ ಮತ್ತು ಅಲೈಡ್ ಸೈನ್ಸಸ್ ಸಂಶೋಧನಾ ಕೇಂದ್ರವನ್ನು ಆಯುಷ್ ಸಚಿವಾಲಯ ಶ್ರೇಷ್ಠತಾ ಕೇಂದ್ರ ಎಂದು ಗುರುತಿಸಿದೆ. ಐಎಸ್‌ಒ ಪ್ರಮಾಣೀಕೃತ ಔಷಧಾಲಯ 3,500 ಚದರಡಿ ವಿಸ್ತೀರ್ಣ ಹೊಂದಿದ್ದು, 350ಕ್ಕೂ ಹೆಚ್ಚು ಶಾಸ್ತ್ರೀಯ ಮತ್ತು ಪೇಟೆಂಟ್ ಪಡೆದ ಔಷಧಗಳನ್ನು ಉತ್ಪಾದಿಸುತ್ತಿದೆ. ಪ್ರಸ್ತುತ ಕಾಲೇಜಿನಲ್ಲಿ 700ಕ್ಕೂ ಅಧಿಕ ವಿದ್ಯಾರ್ಥಿಗಳು ವೈದ್ಯಕೀಯ ಅಧ್ಯಯನ ನಡೆಸುತ್ತಿದ್ದಾರೆ ಎಂದು ಡಾ.ಮಮತಾ ಕೆ.ವಿ. ಮಾಹಿತಿ ನೀಡಿದರು.
ಆಸ್ಪತ್ರೆ ಅಧೀಕ್ಷಕ ಡಾ.ನಾಗರಾಜ್ ಎಸ್., ಫಾರ್ಮಸಿ ವಿಭಾಗದ ಜನರಲ್ ಮ್ಯಾನೇಜರ್ ಡಾ.ಮುರಳೀ ಧರ ಬಲ್ಲಾಳ್, ಡಾ.ಶ್ರೀನಿಧಿ ಬಲ್ಲಾಳ್, ಡಾ.ರಜನೀಶ್, ಡಾ.ಚೈತ್ರಾ ಹೆಬ್ಬಾ‌ರ್ ಉಪಸ್ಥಿತರಿದ್ದರು.
.jpeg)
