ಶಿವಪಾಡಿ ವೈಭವಕ್ಕೆ ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಖಾವಂದರಿಗೆ ಆಹ್ವಾನ

ಉಡುಪಿ ಮಣಿಪಾಲದ ಶಿವಪಾಡಿ ಶ್ರೀ ಉಮಾಮಹೇಶ್ವರ ದೇವಸ್ಥಾನದ ವಠಾರದಲ್ಲಿ ದಿನಾಂಕ 22-02-2025 ಶನಿವಾರ ದಿಂದ 26-02-2025 ಬುಧವಾರದವರೆಗೆ ಯಕ್ಷಮೇಳ, ಕೃಷಿ ಮೇಳ, ಆಹಾರಮೇಳ, ಮನರಂಜನೆ ಮೇಳ, ಆರೋಗ್ಯ ಮೇಳ ಗಳನ್ನೊಳಗೊಂಡ ಶಿವಪಾಡಿ ವೈಭವ ಕಾರ್ಯಕ್ರಮಕ್ಕೆ ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಹಾಗೂ ರಾಜ್ಯಸಭಾ ಸದಸ್ಯರಾದ ಡಾ.ಡಿ.ವೀರೇಂದ್ರ ಹೆಗ್ಗಡೆ ಯವರನ್ನು ಆಹ್ವಾನಿಸ ಲಾಯಿತು.

ಶಿವಪಾಡಿ ವೈಭವ ಆಚರಣಾ ಸಮಿತಿಯ ಅಧ್ಯಕ್ಷರು, ಮಾಜಿ ಶಾಸಕಕೆ ರಘುಪತಿ ಭಟ್ ರವರ ನೇತೃತ್ವದ ತಂಡದಿಂದ ಖಾವಂದರನ್ನು ಭೇಟಿಯಾಗಿ ಕಾರ್ಯಕ್ರಮದ ಉದ್ಘಾಟನೆಗೆ ಆಗಮಿಸುವಂತೆ ಆಹ್ವಾನಿ ಸಿದರು.

         ಈ ಸಂದರ್ಭದಲ್ಲಿ ಶಿವಪಾಡಿ ಉಮಾಮಹೇಶ್ವರ ದೇವಸ್ಥಾನದ ಮೊಕ್ತೇಸರರಾದ ಮಹೇಶ್ ಠಾಕೂರ್, ದೇವಸ್ಥಾನದ ಅಭಿವೃದ್ಧಿ ಟ್ರಸ್ಟ್‌ನ ಅಧ್ಯಕ್ಷರಾದ ದಿನೇಶ್ ಪ್ರಭು, ಪ್ರಮುಖರಾದ ಸುವರ್ಧನ್, ರಾಧಾಕೃಷ್ಣ ಸಾಮಂತ್, ಮನೋಹರ ಪ್ರಭು, ಚಂದ್ರಶೇಖರ್ ನಾಯ್ಕ್,  ಶ್ರೀಕಾಂತ್ ಪ್ರಭು ಹಾಗೂ ಸಂದೇಶ್ ಪ್ರಭು ಜೊತೆಗಿದ್ದರು.